大發部Copen開篷小跑車，終於響上個月於東瀛本土面世，原本話廠方會擴充生產線以提高產量；但可惜事與願違，暫時每月僅得唔到300部生產。據亞Mark所知香港代理亦因此大感頭痛，事關早前經已收到唔少Fans查詢同落訂嘛！
之不過，亞Mark收到風，事緣車廠跟某大家庭遊戲生產商有合作計劃，而呢個月下旬嘅展覽會上，大發重會運嚟首部Copen作參展㗎！鍾情Copen嘅Fans可近距離接觸之外，聽聞代理今年下半年亦會爭取到部份新車抵港，預計車價會定響15萬上落，除有豪華版同Racing版本外，遲吓重會有Hardtop硬頂版推出㖭；想擁有一部咁High-tech又時尚嘅開篷小跑車的話，就真係要拭目以待喇！