我求大俠前排出入得醫院多，目睹唔少病人嘅苦狀，突然間覺得健康真係無價寶！近日球壇亦頻頻有老球星入院，好似60年代葡萄牙名宿尤西比奧周一就做咗「通波仔」手術，呢位65歲老人家現時仲喺深切治療部接受觀察；而早前出院又入院嘅阿根廷球王馬勒當拿，最後居然去埋精神病院！我求大俠喺度祝兩位老人家早日出院。