上禮拜四花旗股市造好，道指突破12500關收市，升52點，技術走勢甚強，主要受科技股業績理想帶動，投資者以經濟前景轉好做炒作藉口，相信短線投資信心仍會偏強。
不過從技術走勢睇，道指啱啱升到重要阻力位，可唔可以一舉突破仲有疑問。
受惠花旗股市氣氛，港股呢個禮拜可望持續強勢，恒指有機會上試24700。
友邦C輪26302：友邦（1299）收26.75元，升3.4%。股價由上市至3月呈大圓底，4月向上突破之後，氣勢如虹，基金買盤積極，散戶入市興趣亦大增，呢隻優質股係短中長線嘅佳選，短線有機會見29元，可以諗吓隻C輪26302。
隻輪現價23.4仙，2011年7月28日到期，行使價25元，溢價2.2%，引伸波幅23.6%，槓桿率11.4倍（有效8.4倍），正股升上29元，26302睇42仙，正股跌穿26元就沽咗隻輪。
俊樺