【本報訊】壹傳媒創辦人黎智英大前年在金鐘佔領區被人投擲動物內臟，3名施襲者被裁定普通襲擊罪成，判囚9至18周。3人昨在高等法院提出上訴，其中一名被告、大圍強記雞粥老闆上訴稱曾當華籍英軍，一直秉持從軍時「保衞香港」的信念，自言愛國愛港，因為看不過眼黎智英「佔中犯法」而犯案。法官反駁黎智英至今仍然未被定罪，又斥責：「有咩政治立場，都唔可以自己做執法者！」
3名被告為大圍強記雞粥東主葉永志（44歲）、廚師陳國雄（30歲）及融資公司助理經理李小龍（45歲）。葉及陳不滿刑期過重提出上訴，李則指自己當日只是拍片，沒有施襲，遂就定罪提出上訴。法官將擇日宣判。
代表葉的大律師指，葉當日帶同動物內臟到佔領區尋找兒子，其間看到黎智英，認定黎是「佔中搞手」，所以「一時火遮眼」而犯案。其後法官張慧玲聞言，即斥責有關說法，「假設我唔鍾意佔中，咁就掟人？咁都係求情理由？」

轟拍片者延續侮辱

大律師續透露葉曾是華籍英軍，為人孝順，「愛家人，愛子女，愛香港，愛國家」，張官再斥，「愛國唔愛國嗰啲嘢，根本就冇喺原審講過」，並連珠炮發謂：「有咩政治立場，都唔可以自己做執法者！香港係法治之都，唔可以姑息呢啲罪行，唔係掟完人唔使坐監，鍾意掟邊個就掟邊個！」
至於陳一方指陳剛為人丈夫及父親，希望法庭輕判，張官即揶揄：「結咗婚就唔使坐監？」
律政司代表則指，本案案情比一般普通襲擊案件嚴重，指被告施襲期間拍片，如同性罪行被告犯案期間拍片並放上互聯網，延續對事主的侮辱，是「第二次傷害」，加上涉案豬雜或已腐爛，令黎智英有感染細菌的機會，不認為刑期過重。
案件編號：HCMA321/16
■記者蘇曉欣