慘被搶客
新盤圍攻二手樓冷清

蘋果日報 2009/03/08 00:00


發展商要錢不要貨,劈價賣樓更越劈越狠,加上不少經紀都力搶一手樓生意,二手市場獨憔悴,昨日整體二手成交即跌20%,各主要屋苑成交寥寥無幾,沙田第一城及及鴨脷洲海怡半島更零成交。
香港置業行政總裁李志成說,就算二手樓肯減價,幅度也不及一手,自然被搶去客源,昨日整體二手成交量較對上周六跌20%,睇樓量亦見減少。
第一城、海怡零成交
昨日多個屋苑交投淡靜,沙田第一城及海怡半島更未聞成交。中原地產分區經理陳廸豪表示,由於第一城缺乏筍盤,肯減價業主不多,不少經紀都將客源射去新盤,令二手交投淡靜。
荔枝角美孚新邨昨日也只得約3宗買賣,較前周減少逾60%。美聯物業區域營業董事吳志輝表示,屋苑買賣淡靜,有業主願意降價,3期百老匯街39號中層A室,848方呎,業主一直企硬290萬元,剛減價1.7%至285萬元成交,呎價3361元。
中原地產高級分區經理王樹明亦指,股市波動,一手樓劈價搶客,天水圍嘉湖山莊昨日睇樓量減逾一成,成交僅約2宗,較前周少30%。鰂魚涌太古城及康怡花園,亦分別只有2及1宗成交。