教授提瘦身公僕有難 - 李八方

蘋果日報 2002/01/03 00:00


八方讀書之時,都慕名去聽過王于漸嘅課,一來芝加哥個名響,二來教授年輕靚仔,所以個課堂常滿。轉眼之間,教授已經由象牙塔入埋政治圈。去年鄭耀宗風波,嶄露頭角;上月特首在港大晚會大談新精英主義,好多人摸不着頭腦,誰知翌日即見教授專訪,思路與特首如出一轍,八方遂恍然大悟。
噚日又見到王教授,喺明天會更好基金個經濟調查發布會。教授一貫學者風格,反而啲記者就「如狼似虎」,有人問佢結構性赤字點解決?教授答話政府瘦身係可以考慮嘅建議。
好多經濟學者都提過類似建議,不過王教授今時今日嘅地位,佢都咁講,十八萬公僕,醒醒定定啦。


E-mail:[email protected]