林家棟娶妻侍母
買一送一

蘋果日報 2011/04/28 00:00


林家棟是傳統男人,最重視家庭倫理,自小受到篤信佛學的母親薰陶,十分重視婚姻、家庭,一切以家為本。43歲的他,雖未娶妻,但絕對不性急,一切都是一個緣字,並決定婚後要同母親一齊住,好好報答養育之恩。
林家棟離開無綫外闖,他監製的電影《打擂台》揚威金像獎,多年沒有拍劇的他,最近有朋友搭膊頭,邀得他拍攝港台處境輕喜劇《一屋住家人》。林家棟和原子鏸在已播出的第一集飾演一對為結婚買樓,為賣樓離婚的夫妻,家棟表示婚姻仍然離自己很遠。
empty
原子鏸和林家棟早前合作在港台劇演夫妻。 劇照
empty
林家棟侍母至孝,雖然會頂頸,但又會諗計逗她開心。 資料圖片
似鬥氣寃家
家棟日前說:「暫時唔近,我自己冇乜意欲,加上拍拖都係年幾,不過如果心血來潮,唔使去到拉斯維加斯,可能喺澳門結,一切都唔需要刻意設計,唔使plan定,一切隨心。」
家棟認為自己對伴侶要求不高,不過他事先聲明,家有一老如有一寶,伴侶一定要視其母親為至親,更必需要同一屋簷下,他說:「我係買一送一o架,兩位一體,我都想將來自己老咗,有人對自己好。」
視母親為至寶的家棟,經常搞小動作逗媽媽開心,他說:「我成日同佢頂頸,又會佢開心,好似鬥氣寃家咁,佢會叫我去買廁紙,我反問『邊有明星買廁紙o架』,佢反駁話明星唔使屙屎,係咪好好笑。我哋成日都係咁,呢個就係情趣。」
阿媽唔催婚
問現年43歲的家棟會不會被得意媽媽催婚,他說:「唔會,佢唔會講,我細佬生咗個孫畀佢玩,佢不知幾開心,日日弄孫為樂,唔會催我結婚。」
採訪:楊潔雯 攝影:陳志嵐