當年今日

蔡瀾任澳門海擎天顧問

蘋果日報 2006/10/13 00:00


澳門嘅樓價同香港仲未有得揮,但係新盤嘅宣傳手法,同香港就差唔多睇齊。好似新天康旗下嘅澳門豪宅海擎天,噚日就率先向傳媒介紹佢個雙層海景會所ClubAqua,嚟緊11月仲會開放示範單位畀買家參觀,似足香港發展商嘅銷售策略。
唔單止咁,新天康今次仲搵埋出名識飲識食嘅蔡瀾撐場,做個盤嘅lifestyle顧問。蔡瀾話佢好鍾意澳門,因為生活步伐唔似香港咁急趕,所以飲食同享受質素都高啲,俗語有云慢慢歎吖嘛。佢話前排第一次喺澳門置業,好滿意樓市嘅走勢,仲拍心口話會買多兩個海擎天單位㖭。
新天康投資董事張子良就話,海擎天08年底可以入伙,今年11月左右就有得賣,不過未決定首推幾多單位。呢個盤喺澳門都算幾貴,意向呎價要2000蚊起,即係入場費最少200萬。