宣萱和馬德鐘昨日往元朗大棠荔枝園，拍攝無綫劇《樊梨花》。
宣萱拍攝該劇兩個多月，叫苦連天，她說：「夏天拍古裝已經夠辛苦，呢套劇又要成日打，重係打得好『金』嗰隻，好彩今次拍住個好好嘅武指，佢以前專幫外國片做武指，所以我喺套劇入面，打得又靚又勁，可能套劇播出街之後，有好多人搵我拍打戲。」

慶功難成事
《樊梨花》在最初開拍時，有傳宣萱嫌馬德鐘未夠班，但見宣萱跟馬德鐘有講有笑，落雨還一齊擔遮，宣萱說：「呢套劇拍得好開心，個個都成日煮嘢食返廠請大家食，搞到我拍打戲都冇得瘦，要做『樊肥花』，本來今個月尾煞科之後，就諗住慶功，但係馬德鐘又要即刻拍劇，冇時間，其他人又難就時間，多數會搞唔成。」
採訪、攝影：楊潔雯