當年今日

的士小巴牌價兩極化

蘋果日報 2013/12/31 00:00


【話你知】
的士牌價近年急升,但小巴牌價卻急瀉,小巴牌價由2011年高𥧌時的750萬元,跌至目前565萬,跌幅達25%,主要因為市場對小巴行業前景不樂觀,無人夠膽接貨。
馬氏擁有650部小巴,小巴牌價急跌,兩年間其身家已經蒸發12億元,加上小巴生意月月見紅,馬僑生坦言:「想賣車都冇人敢接啦。」
不過最令人擔心的是,美國開始退市,屆時供款利息將會增加,他透露,旗下仍有不少小巴要繼續供款,擔心銀行加息帶來壓力,但保證不會賣車保命,「如果你作為龍頭都頂唔住,同行會跟風,到時會形成骨牌效應」。
獨立經濟學者關焯照表示,由於政府交通政策偏重港鐵及巴士,加上小巴收費低之餘卻又平不過巴士,車費收入不高,令小巴經營困難,因若要加薪請司機難免要加車費,但加價若太高又可能會趕客。對於過去兩年的士小巴牌價兩極化,小巴跌的士升,關氏解釋是因為的士受惠於高消費的內地旅客。
《蘋果》記者
有料放?想收料?入嚟【蘋果互動】啦!
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange