昨日係一年一度嘅敬師日，曾經為人師表嘅教育統籌局局長李國章，噚日出席敬師日慶典暨表揚狀頒發典禮，就藉住九六年二月十日發生嘅八仙嶺山火慘劇，兩名老師為幫學生脫險而犧牲嘅偉大事迹，表達對為人師表者的崇高敬意。
李局長話，事隔幾年後嘅今日，重記得發生山火當時，正身處中大外科學系主辦嘅國際燒傷研討會閉幕晚宴，突然接到八仙嶺大火噩耗，原本主持宴會嘅燒傷組主任金永強教授須帶領全組醫生搶救病人，嗰晚醫院嘅淒酸情景仍記憶猶新。佢話嗰次事件令佢知道教師職責範圍不限於教室同學校，工作時間亦遠不止朝八晚四。
（圖）李國章同羅范椒芬喺敬師日活動同小妹妹合照。


傳真︰2623-9278
電郵︰[email protected]