法甲包尾的巴斯蒂亞，4月16日聯賽主場對里昂一戰，發生大規模球迷騷亂，有球迷衝入球場追打里昂球員，搞到賽事被逼半場腰斬。

法甲紀律委員會周五就判決，巴軍需要未來兩場主場比賽閉門作賽，職員阿高斯天拿因為追打里昂門將安東尼盧比斯，被重罰停賽四個月。不過同隊唔同命，廣州恒大喺亞洲聯賽冠軍盃出事，被罰閉門作賽就有 緩刑，巴斯蒂亞就冇嘞，禁令需即時執行。