隔牆有耳:
怪獸公司毛毛 做迪士尼「花蛋」 - 李八方

蘋果日報 2016/02/26 00:00


迪士尼搞「花蛋節」?究竟係花旦,定係蛋花呀?噢,原來係3月17日起至5月29日,迪士尼樂園會有過百隻花哩花碌嘅迪士尼「花蛋」遍佈7大園區,當中超過70隻係由迪士尼朋友化身,藏身喺唔同地方,遊人根據樂園指南參與「猜猜誰.尋尋蛋」遊戲,就可以搵佢哋出嚟。
花蛋包括《玩轉腦朋友》阿樂阿愁、《怪獸公司》毛毛、《海底奇兵》MO仔,連《星球大戰》黑武士一眾主角都加入「花蛋」行列,米奇等等又會換上以香港特色為主題嘅新裝。另外,喺3月1日至7月20日,「奇妙處處通」會員可以每位$328,帶同好友入園,會員更可於3月中開始每星期到樂園換取一款珍藏版迪士尼「花蛋」,可以集齊全套㗎!