美國天后LadyGaGa下周三（5月2日）起喺香港亞洲國際博覽館舉行四場演唱會，炒到癲嘅門票最近跌價，首爾首站仲有教徒踩場鬧教壞細路。亞博有冇預備有人踩場抗議？行政總裁哈永安唔評論，話賣飛時已聲明，需家長指引。

趁全城關注LadyGaGa即將舉行演唱會嘅話題，亞博就搵咗個「呢啲渣渣」宣傳新場館EXPOtainmentCube「博覽動立方」，頭炮活動「AreYoutheDIVA百變巨星比賽」喺亞博個facebook專頁已經開始咗。
網友只要上載自認「百變巨星」嘅相，喺4月27日前越多人like嘅十位，就可以喺LadyGaGa演唱會首天去「博覽動立方」鬥型，仲可以免費睇GaGa演唱會，當晚表現最好嘅仲可享受酒店客房1晚連早餐。市民稍後可以用亞博下月嘅新iPhoneapp，將手機變成螢光棒。
亞博舊年舉辦嘅活動共210日，比前年多26%，今年應該有雙位數增長。呢排興盛女盛男，哈永安話亞博個場咁大，搞speeddating最啱，可以一次過識好多異性，脫離剩男剩女行列。