「食完放個屁 攞完油水就走」
秋生炮轟演協得個殼
蘋果日報 2004/05/31 00:00
黃秋生前晚出席「香港泰拳理事會第二屆就職典禮」時，炮轟香港演藝人協會，指其未能為會員謀取福利，所有人只是以自己的利益出發，他更指協會雖成立多時，但只是變相的魚翅鮑魚團，秋生說：「食完放個屁，大家攞完油水就走。」
黃秋生前晚出席「香港泰拳理事會第二屆就職典禮」時，炮轟香港演藝人協會（演協）雖然成立多時，都未有真正為會員謀求福利，只是舉辦旅行團和麻雀耍樂。
秋生前晚舉例說如女星不時被剝削，拍攝胸部及裙底春光、盜版和內地電影政策等問題都未能解決，他說：「研討會呢啲西瓜團嚟之嘛，𠵱家變咗魚翅鮑魚團，食完放個屁就走，根本傾唔到嘢，大家各自攞完油水就走。內地電影政策成日都變，佢哋畀條生路行吓就得嘞。搞旅行團冇乜嘢意思，我自己唔識去呀，耆英我又未夠年齡。」
剝削情況繼續
當現場有記者提出演協亦曾發起聲討刊登女星裸照的周刊和發起《1:99》籌款活動時，秋生認為這些當中夾着特別的因素，他說：「『天地不容』係因為個人出名，啲人先會出嚟做嘢啫，況且呢件根本唔係單一件事，香港整體女星被剝削，𠵱家情況咪繼續係咁，佢哋俾傳媒拍攝裙底春光，呢啲就可以拉上差館，但個會有冇基金畀啞忍嘅人打官司？」
學好英文先講
問到秋生為何不向委員會反映個人意見時，秋生說：「我都冇呢個地位，又唔知佢哋幾時開會，我淨係交會費，和而不同，群而不黨。我唔會否定，但亦唔會參與。」
對於昨日演協舉行研討會，與台灣和馬來西亞演藝人協會商討版權和藝人跨國發展問題時，秋生抵死地說：「叫去荷李活發展嘅藝人學好啲英文先啦，唔好廢話連篇啦。」
歡迎參與會務
對於秋生的言論，演藝人協會主席曾志偉昨日出席演協舉行的研討會時回應說：「如果有女星同受害藝人嚟直接投訴，我哋會casebycase去解決。另外，做藝人唔一定知書識禮，慢慢嚟啦，去到邊學到邊啦。」最後志偉表示如秋生有興趣參與會務，他會不厭其煩照顧秋生，及向他講解協會事務。
採訪、攝影：史丹
秋生前晚舉例說如女星不時被剝削，拍攝胸部及裙底春光、盜版和內地電影政策等問題都未能解決，他說：「研討會呢啲西瓜團嚟之嘛，𠵱家變咗魚翅鮑魚團，食完放個屁就走，根本傾唔到嘢，大家各自攞完油水就走。內地電影政策成日都變，佢哋畀條生路行吓就得嘞。搞旅行團冇乜嘢意思，我自己唔識去呀，耆英我又未夠年齡。」
當現場有記者提出演協亦曾發起聲討刊登女星裸照的周刊和發起《1:99》籌款活動時，秋生認為這些當中夾着特別的因素，他說：「『天地不容』係因為個人出名，啲人先會出嚟做嘢啫，況且呢件根本唔係單一件事，香港整體女星被剝削，𠵱家情況咪繼續係咁，佢哋俾傳媒拍攝裙底春光，呢啲就可以拉上差館，但個會有冇基金畀啞忍嘅人打官司？」
問到秋生為何不向委員會反映個人意見時，秋生說：「我都冇呢個地位，又唔知佢哋幾時開會，我淨係交會費，和而不同，群而不黨。我唔會否定，但亦唔會參與。」
對於昨日演協舉行研討會，與台灣和馬來西亞演藝人協會商討版權和藝人跨國發展問題時，秋生抵死地說：「叫去荷李活發展嘅藝人學好啲英文先啦，唔好廢話連篇啦。」
對於秋生的言論，演藝人協會主席曾志偉昨日出席演協舉行的研討會時回應說：「如果有女星同受害藝人嚟直接投訴，我哋會casebycase去解決。另外，做藝人唔一定知書識禮，慢慢嚟啦，去到邊學到邊啦。」最後志偉表示如秋生有興趣參與會務，他會不厭其煩照顧秋生，及向他講解協會事務。
採訪、攝影：史丹
《研討會呢啲西瓜團嚟之嘛！》演協主席曾志偉表示如秋生（圖）有興趣參與會務，他會不厭其煩向秋生講解。
演協昨日舉行研討會，與台灣和馬來西亞演藝人協會商討版權和藝人跨國發展問題。