無綫上周節目收視報捷，如《法網伊人》和《無頭東宮》平均收視有三十四點，無綫昨日於尖沙嘴美麗華酒店舉行祝捷會。
嫌出兩車麻煩
電視廣播業務總經理何定鈞頒發嘉許狀予九個收視接近88%的節目，出席的有《法網伊人》、《皆大歡喜》、《無頭東宮》一眾演員，包括薛家燕、陳妙瑛、趙學而、吳綺莉、鄧兆尊和謝天華等人，筵開十八席。
頒獎儀式本於十二時半開始，但趙學而、鄧兆尊及吳綺莉遲了近四十五分鐘才到場。兆尊笑說：「其實係我去接學而時唔記得帶車匙，所以要等工人攞嚟畀我。」學而則解釋說：「係我叫兆尊車我嘅，大家街坊一場，如果出兩架車就好麻煩。」當記者問他為何不接陳彥行，兆尊說：「冬天就話要棉胎啫，夏天就要的確涼啦。」
吳綺莉搞生意
其實早前亦有傳學而拍《皆大歡喜》一劇遲到，而與梅小惠發生爭執，而就記者所見，梅小惠和趙學而昨日亦沒有交談。
而吳綺莉表示因湊囡囡返學所以遲到，她說：「我遲啲可能會同個朋友搞珠寶生意，我今日戴嘅首飾都係佢贊助，我會幫佢手做設計。」
此外，對於《法網伊人》牽涉影射同名同姓的律師，而要發出道歉啟事一事，何定鈞表示：「呢個係創作組嘅問題，我哋完全冇影射到任何人，今次就當係一次學習，加上我哋法律部門都認為應該息事寧人，至於道歉聲明播到幾時，我就唔可以透露，因為我哋雙方有協議唔可以講。」
採訪：李珮洳 攝影：黃文成