昨日是大年初四開工的日子，大部分名店恢復營業，所以不少名人如何卓妍與顧紀筠皆分別現身中環與金鐘shopping一番。何卓妍並在Joyce與TheSwankShop大有斬獲，分別買了皮帶與YohjiYamamotoｘadidas別注版波鞋。

物色結婚對象
何卓妍（Bonnie）表示剛於番禺長隆野生動物園返港，在當地與家人共度情人節。問她為何不與好朋友蕭永豐一起過？她大發嬌嗔說：「重講佢？我同佢都唔係拍拖。我承認好想拍拖，最好兩年內搵到結婚對象㖭。」
Bonnie更展望新年大計，她說：「我喺北角間warehouse已經可以收支平衡，遲啲諗住喺中環再開多間，做warehouse唔錯，租金唔貴又唔使裝修。我重學曉咗，原來控制租金最緊要，而且零售真係好難做。」