保錡自揭負資產黑歷史及尚欠學生貸款 ERROR三子噓爆：無人有興趣知
蘋果日報 2021/03/23 23:41
口罩小姐ERROR保錡
（ViuTV電視截圖）
ViuTV真人騷《最後一屆口罩小姐選舉》節目今晚播出第2集，承上集播出主持ERROR的4位成員揀選心水及淘汰參賽者，由於今晚現身的參賽者大多可以獲選入圍的，相對淘汰參賽者時不留情面的評語，今集顯得較溫和。最有睇頭是一名飛機工程師表示想入行時，保錡語重深長地叫對方考慮清楚收入會大減，同時透露自己的財務狀況，原來他仍是債務纏身。
該名報稱正職是飛機工程師、兼職模特兒的參賽者，被問到是否想借參賽入行，她答：「可以嘅，我有一個好嘅發展。」保錡隨即開始勸說：「但係其實做藝人真係唔係一個特別好嘅發展，即係如果有你飛機工程機同ViuTV藝人呢……」郭嘉駿（193）即搶答：「一定係揀飛機工程師！」
保錡再補充指：「因為夢想係投資囉！想當年，我玩《全民造星》係玩到負資產，咁我係啱啱先還完啲卡數，仲有嗰啲grant loan（專上學生免入息審查貸款計劃）都未還晒啦……」見他蹺晒腳坐、態度輕鬆，似乎沒有將自己欠債未還清一事放上心。
聽到保錡自揭財務狀況，ERROR其餘3子起初都默不作聲，後來保錡講到自己有債未還，梁業（肥仔）及何啟華（Dee哥）隨即阻止他再講下去，並指「唔使將個實數講出嚟」、「唔使喺度同我哋share你個資產實況喇！我哋呢度冇人有興趣知呀。」保錡聞言，似心有不甘時揼大髀和擰歪面，肥仔則笑到挨實Dee哥。
《口罩小姐》今晚播出第2集，其中有名報稱是飛機工程師的參賽者，引起ERROR的興趣。（ViuTV電視截圖）
193睇到眼定定。（ViuTV電視截圖）
保錡以自身做例，勸參賽者要考慮做藝人的收入可能不及原本的正職。（ViuTV電視截圖）
另一方面，由於此節目錄影之時，尚未發生保錡背正印女友偷食沙律事件，他獲不少參賽者支持，很多參賽者面試時，被問到要在ERROR中4選1會如何揀時，都會揀中保錡，顯得他相當有人氣。
另有參賽者稱自己心向保錡，但投票自己喜愛的ERROR成員時，卻揀了肥仔，是有計劃過的策略。（ViuTV電視截圖）
保錡深受參賽者歡迎。（ViuTV電視截圖）
《口罩小姐》今晚公佈正式入圍20強的最後名單，各參賽者都獲分配到一個代號。（ViuTV電視截圖）
（ViuTV電視截圖）
（ViuTV電視截圖）
（ViuTV電視截圖）
-----------------------------
《蘋果》英文版免費試睇：了解更多
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！