藍天海岸網有漫畫睇

蘋果日報 2002/07/29 00:00


上網𠵱家已經係好多人生活嘅一部份,發展商睇準呢點,賣樓都唔會忽略呢個途徑。蘭西上個禮拜知道香港興業東涌藍天海岸搞咗個網上「VIP招募大獎賞」,於是上佢嘅網頁八吓。
個網頁內最別致係幅「國際消閒島藍圖」,用漫畫形式解構大嶼山各個景點,好似迪士尼樂園,就係一座一睇就明嘅堡壘,連地鐵嘅吊車系統,都畫埋出嚟,雖然真正吊車可能唔係咁樣,但都算幾得意;而天壇大佛咁出名又點會冇呢?總之睇到好過癮。
當然一定唔少得嘅就係佢哋嘅藍天海岸位置。不過,點解見唔到香港興業嘅愉景灣嘅?
香港興業用咗呢個構思嚟做宣傳,其他發展商要諗過啲新花樣至得。網址係:www.coastalskyline.com