章小蕙與奧地利籍男友WilhelmBrauner終告分手收場，昨日她在其中環時裝店向記者說：「係上個禮拜嘅事，邊方面先提出就唔想講啦，原因係我工作太忙，佢又唔係完全了解我。」

新書趕唔切出
章小蕙續說：「我諗下次再拍拖要搵個比我更加忙嘅人至得，呢段戀情我係全心全意投入嘅，唔係我都唔會端午節去睇佢扒龍舟啦。識Wilhelm時係我最唔開心嘅時候，佢可以話係醫好我嘅心病，𠵱家都痊愈啦，可以唔使食藥啦！
「我都唔係冇付出㗎，好似我早前就寧願同佢見面，推咗幫我出書嘅印刷公司嘅人嘅約會，𠵱家本書趕唔切喺書展出，希望下個月出到啦。」
採訪、攝影：JessicaNgan