一年容易又中秋，但對於《愛•回家之開心速遞》嚟講就絕對唔容易喇，2017年初開播至今經歷三次中秋節，以劇集嚟講好難得！

何況每到中秋，《開心速遞》都連戲，圍繞返「速熊月餅」呢個主題，仲連足三年戲，唔講得笑。難怪唔少網民都話「好感動，第三年睇速熊月餅」，更將「速熊月餅」提升至第六大訴求，話下年中秋都要繼續連戲！

其實照依家情況嚟睇唔難喎，早幾日先宣佈《開心速遞》添食至900集，加上收視長期奪冠，莫講話突破1128集嘅《真情》、播到下年中秋，下下年仲播緊都唔出奇，係咪好感動先？

不過，感動還感動，但熊樹根（劉丹飾）用疑似有灰甲嘅雙腳去搓月餅餡料，唔係人人都頂得順，堅嘔心。之但係如果唔重播搓月餅呢段，中秋節又好似少咗啲嘢唔夠圓滿咁，好矛盾呀！

Anyway，中秋節快樂。

9月2日起升級條件將更新 繼續每月撐壹仔 講真心話撐住我香港！