非典型肺炎危機愈演愈烈，人心惶惶之際，港大校長徐立之一封致全體師生嘅公開信，卻充滿激勵同信心。
徐立之封信一開首就將非典型肺炎稱為CVP，係人都知SARS係沙士病毒，至於CVP（CoronaVirusPneumonia）就即係冠狀病毒肺炎，咁樣既可避開同香港特區簡寫只有一字之差嘅SARS，又可藉此肯定港大醫學院發現冠狀病毒嘅成就。比起只識將SARS偷偷改成SRS嘅特區政府，真係高出幾皮。
徐校長信中講話，呢個係充滿考驗嘅時刻，只有自強不息嘅人才能幸存，不過佢希望港大師生唔止幸存，更加可以表現人性中光輝嘅一面，成為社會領袖，帶領大家走出困境，讓全世界見證，「我們或會被擊倒，但絕不會被擊敗」，又真係好自信噃！
（圖）徐立之喺封公開信中稱非典型肺炎為CVP（冠狀病毒肺炎），肯定港大嘅成就。


傳真︰2623-9278
電郵︰[email protected]