商台舉辦的《森美小儀歌劇團小孖俠》將於下月17至20日，一連四晚於九展舉行。DJ森美和小儀昨日與有份演出的嘉賓張敬軒、鄭融和謝安琪在九龍灣舉行記者會，森美、小儀更以卡通片造型小孖俠出場，還互相取笑對方造型似鄭少秋和薛家燕。森美表示：「喺個劇度原本我同小儀係拍檔，但點知被人挑撥離間，結果搞到我哋不和而拆夥，另外仲有演出嘅DJ反串㖭。」
一眾DJ和歌手分隊玩遊戲，盡顯頑皮的一面。當中兩隊扮大笨象形坦克車，DJLeo趴在地上，欲用頭部從鄭融胯下穿過，但鄭融大笑說：「唔得，咁咪益咗你？」之後則改為鄭融坐在對方背上。

難忘汗味飯

事後問到鄭融不讓Leo從胯下穿過，她說：「講笑啫，我哋好熟嘅，就算排練都預咗有身體接觸。」下月10日是鄭融24歲生日，但需綵排歌舞劇，她說：「做嘢都冇所謂，四年前我都做過呢個劇，因為一個月喺同一個排舞室練習，所以啲飯味混入汗味最難忘。」
採訪、攝影：王連連