外星IQ題:周六加強版

蘋果日報 2012/08/17 00:00


1)戴利隔籬係邊位?
empty
A)女友 B)細妹 C)家姐 D)阿媽

(答案請在內文找)

幾時都話靚仔有着數,好似18歲英國跳水神童戴利參加完倫奧後,前日就喺倫敦出席自傳簽名會掘金,佢一騷個銅牌出嚟,即刻有女埋身攬佢腰,你估呢位女子係戴利嘅邊個呢?之唔係佢阿媽囉!
2)Q太郎嘴係邊個阿媽?
(答案請在內文找)

你冇眼花,相中呢位女士真係90歲阿婆,但居然仲着短裙,對腳又滑過好多後生女。最頂癮係佢個嘴厚過舒淇同安琪蓮娜祖莉,直逼Q太郎。唔知史泰龍見到佢阿媽靠人工方法執成咁,會唔會勸下佢呢?
empty
3)邊個大隻佬玩過山車?
(答案請在內文找)

邊個咁大膽,喺迪士尼玩過山車嗰陣唔握實扶手,仲要懶醒對準影相位擺大隻佬甫士?畀個貼士你,呢位仁兄好鍾意同蠍子做朋友,啲人通常記得佢個外號多個真名,估到未?佢就係TheRock狄維莊遜喇!
empty
4)銅像真身係乜水?
(答案請在內文找)

呢兩日喺紐約、洛杉磯等地嘅H&M門外,都擺咗呢個淨係着底褲嘅型男銅像,鬼咁搶眼,如果集合埋咁多個一次過showoff仲得了嘅?分分鐘啲人癲過去尖嘴影多啦A夢。斷估銅像真身碧咸平時都習慣俾人圍,今次收咗錢代言,仲有銅像代勞,都冇所謂啦。
empty