無綫節目《全線大搜查》昨日在清水灣電視城進行拜神儀式，有份出席的主持包括安德尊、黃宇詩及新主持羅慧娟和陳敏芝等。而陳復生亦將以義務性質在新環節「患病見真情」中任嘉賓主持。
十多個真實個案
陳復生八五年曾主持無綫《K-100》節目，而八九年嫁給賭王的外甥麥舜銘後便息影。
陳復生昨日說：「今次擔任嘉賓主持嘅原因係因為我係香港醫學博物館嘅代言人，而我先生（麥舜銘）係香港醫學博物館嘅董事。我今次主持嘅內容主要介紹一啲病人嘅真實個案。」
陳復生續說：「好開心TVB咁有誠意去做一個有意義同正面嘅節目，𠵱家手頭上大約有十幾個個案，大約會播三個月，今次嘅工作我覺得好有意義，所以冇酬勞都唔緊要，而我先生同奶奶當然都支持啦！」
問到下月五日澳娛將開股東大會，現時爭取賭權的情況進展如何時，陳復生則說：「呢啲嘢要問番當事人。」而記者問其口中的當事人是否指何鴻燊時，陳復生說：「成件事已交晒畀律師處理。」
黃宇詩被鬧不快
此外，另一主持黃宇詩昨回應最新一期《忽然1周》指她被陳文輝大鬧一事，她說：「我都有同老竇（黃霑）講，佢都同我講『做新人梗要畀人鬧吓』，唔開心就梗有，但都覺得係好事，因為自己都處理到。」
採訪、攝影：卓美娟