曾經入紙紅館6次，終於成功可以喺紅館開演唱會嘅Shine，日前喺facebook話會同大家喺3月見，但係3月幾號？今日就有答案喇。

今日Shine喺facebook貼咗條片，係以whatsapp群組對話方式嘅片，入面天佑同又南問300日可以做咩，佢哋就話可以拍好一套戲、寫好一首歌、生一個BB等等，講到最後，就係一個約定，約定大家300日後紅館見，即係公佈咗佢哋嘅演唱會日期，就係2018年3月2號，大家做好準備買飛喇。