早前亞Mark曾經話過，平治代理清晒舊有E-Class嘅存貨後，正待嚟緊3月新車嘅推出；而代理仁孚行為壓止水貨車嘅猖獗，除安排一眾香港傳媒，2月底前往西班牙作新E-Class嘅實地測試外，亞Mark聽聞佢哋重會安排幾部左軚嘅新E-Class響3月中旬抵港，搞個大型Pre-launch車展，給一眾車迷及VIP客一睹新車嘅風采外，重可以預先收訂嘛！據知新E-Class嘅車價跟現有價錢相若，而入門版嘅E200大抵亦只係50萬樓下，睇嚟年中一眾歐洲中型轎車，又會有一番惡鬥都唔定㗎。至於右軚版新E-Class幾時抵埗，相信快者都要等到下半年，所以各位鍾情E-Class嘅Fans就要多等一會喇！