近來曝光率甚高的中共已故元老葉劍英孫女葉靜子，明日會喺廣州藝術博物院召開新聞發布會，介紹稍後喺羊城舉行嘅西藏珍寶展。
佢噚日發畀新聞界嘅採訪邀請寫得好白，「屆時現場葉靜子小姐只回答有關展覽會查詢，而私人問題一概不回答，敬請記者朋友留意」。有乜含意大家心照。
葉靜子嘅緋聞又真係多咗啲，而且緋聞對象個個都係猛人，政壇有財政司司長梁錦松，商界有小小超李澤楷，車壇就有著名賽車手關兆昌。公關小姐Clara話，葉靜子唔想再提啲私人問題，想記者問番啲同展覽有關嘅正面問題。八方問，如果記者唔合作照問私人問題，大會又會點做？Clara話到時自然有方法解決。
（圖）葉靜子又年輕又靚女，多啲緋聞有乜出奇。


E-mail：[email protected]