胡杏兒睇錯黃宗澤

蘋果日報 2005/08/12 08:00


胡杏兒在劇集《我的野蠻奶奶》中與「野蠻奶奶」汪明荃鬥戲又鬥法,日前她在將軍澳接受訪問時直言今年對《我》劇寄望甚殷,希望能憑此在台慶夜奪拍檔獎項,至於女主角大獎就未敢奢望,她說:「最勁個獎(女主角)當然想,但奶奶(汪明荃)好勁,亦有一個新形象,佢攞獎我一定心服口服。」
杏兒在劇中與拍檔黃宗澤初結戲緣,對於這位拍檔,杏兒說:「我對佢有啲改觀喎,以前同佢唔熟,覺得佢好大細路,鍾意玩,拍完套劇後,覺得佢又唔係咁,佢對朋友好好,對前輩亦都好好,係出自真心對人好嗰隻。」
杏兒與黃宗澤在劇中飾演一對,問她會否與對方擦出愛火花?她竟想也不想就說:「唔會啦,都冇諗呢啲嘢,工作還工作吖嘛。」
採訪:朱倬誼 攝影:仇志德
服裝:SistyrMoon(牛仔褲為私物)
髮型:KelFung@Hair