遊搜好行:達人帶路蒲澳門 嚐法式甜吻

蘋果日報 2012/07/02 00:00


最近澳門吹起一陣西式甜品風,幾間今年新開的甜品店都成為了當地人追捧的新貴,日日爆場,蛋糕幾乎做幾多賣幾多。今次我哋就搵來澳門火紅食家老陳教路,一齊試食新出法式TeaSet兼點評甜品新店。

記者、攝影:姚子浩
鳴謝:十六浦索菲特大酒店
老陳
澳門新晉飲食專欄作家,常「捐窿捐罅」搵食,曾為《澳門日報》、《品報》等多個媒體撰寫飲食文章,今年更為澳門飲食節目《老陳食通街》做主持,對食物深有研究。
empty
empty
empty
empty
■現在澳門最紅的食評人老陳(右),畀面應邀一齊試食這個酒店全新TeaSet,非常嘴刁的他都非常滿意,與甜品師傅Owen(左)一講起食經就雞啄唔斷呢!
力讚驚喜新TeaSet
作為電視美食節目主持人兼當地最紅的食評Blogger,老陳對於澳門有乜好嘢食可以話瞭如指掌,搵佢幫手試食新出的期間限定法式TeaSet,可以話係最佳人選。相約在十六浦索菲特大酒店的RendezvousLobbyLounge,要試的就是他們以「尼斯光影」為主題的法式甜品塔,甫上枱我哋都不約而同被其優雅的造型所吸引,Macaron、MadeleineCake、CremeBrulee等經典甜品樣樣齊,其中老陳率先試食的便是中間夾有士多啤梨及吉士的Macaron,「佢個外形同名牌PierreHerme好似,尤其吸引。食落上下層的半塊Macaron夠鬆化,Raspberry與吉士忌廉既微酸又香甜,很有水準。」老陳道。另外,他也覺得加入了八角的MadeleineCake和傳統口味非常不同,驚喜十足。最後隨餐附送的TeaForté也極之值得推介,上溫下冰的做法,上層是新鮮坐好的熱茶,自行倒進下層FlashChill,凍飲亦不失花茶的複雜香氣。
empty
■TeaForté冰茶做法特別,以冰火陣泡茶,老陳話在澳門比較少有。
empty
■這個TeaSet主打是法式風情,其中除了茴香酒心朱古力,當然少不了Macaron同Madeleine兩款經典甜品。
RendezvousLobbyLounge
地址:澳門內港巴素打爾古街十六浦索菲特大酒店1樓
電話:(853)88617213
五星大廚隱世餅屋
食過法式TeaSet,問老陳仲有邊度有靚甜品食,他便推介我們到才剛開了兩個月的CakezCafe。話這間新店隱世,原因係她位於就算連當地人都未必識去的「老饕巷」,根據今次嘅經驗,最直接就係由哪咤廟往下行,來到十字路口左轉。走了一輪終於到了CakezCafe,原來他們的三位合伙人都曾經係五星酒店的西餅師傅,現在做了老闆仍然100%親自落手做甜品,所以出品的水準有保證。望住餅櫃七八款西餅,有焦糖威廉梨蛋糕、栗子綠茶紅豆撻,又有百利甜酒朱古力蛋糕,件件都做到令人想試,一時之間真係無從入手。最後,因為老陳講過:「他們的拿破崙做得出色,酥皮厚而香脆鬆化,吉士忌廉甜美富蛋香,是五星級酒店餅房的水準。」所以便決定一試其虛實。果然,即點即做的招牌菜入口甜度剛好到位,又脆又香口,不消三數分鐘便可以把它KO。
empty
■他們的其中一樣主打是即做甜品拿破崙,中間的自家製吉士又滑又香,值得推介!$54
empty
■兩位老闆兼師傅Ken同Daniel都曾經在五星酒店做餅,因為大家都想有自己的甜品店,所以走埋一齊開了CakezCafe。
empty
■這盞由Macaron堆成的枱燈非常可愛,幾乎現場的少女個個都舉機影相。
empty
■CakezCafe的朱古力心太軟拿揑得非常好,流心做得極之出色,盡顯五星師傅功架。$60
CakezCafe
地址:澳門哪咤廟斜巷(老饕巷交界)柏程苑地下
電話:(853)28355968
兩日狂歡葡國派對
這一次去濠江的搵食之行,剛好撞正一個當地葡人的活動,一連兩日喺仁慈堂婆仔屋(瘋堂斜巷)附近搞Party,所以就順便去現場感受一下葡國氣氛。原來這個派對主要是慶祝一位葡國聖人的節日,居於澳門的葡國人包括廚師、精品店老闆等等都拋低工作,來到這裏開攤位做生意兼和同鄉狂歡。現場中間設有一個大舞台,由早到晚有人唱歌跳舞表演魔術,得台下一班葡國大人細路非常開心。而去這個Party的其中一個最重要收穫,就係可以食到多款他們自家製的葡式家常小食,當中有一款類似「葡式麥芽糖」的點心就非常別致,外形十足玩具一樣,不少小朋友都嚷着要食。
empty
■喺大三巴黃屋仔開葡國餐廳的老闆都休店兩日,寧願去做小劇場吓班同鄉小朋友。
empty
■成班葡國人聚埋一齊慶祝,吹水跳舞又有人扮貓王唱歌,場面非常熱鬧。
empty
■當日有喺餐廳都未必食到嘅家常葡國小食,好像呢款「西式麥芽糖」的造型就非常可愛。
empty
■小食店老闆Hugo本身係餐廳廚師,呢兩日就開檔賣葡國小食,勁熱情不停叫路人試食。
TravelMemo
持香港身份證毋須簽證。

即日入住澳門十六浦索菲特大酒店高級客房,房價由$1,000起。查詢: http://www.sofitel.com

220V三扁腳插座
empty