電影《那夜凌晨，我坐上旺角開往大埔的紅VAN》可說是近期熱話，之前有網民惡搞，將王家衛電影入面的金句變成《紅VAN》版，例如：「如果一程車有四季的話，未過獅隧之前，都係春天。」「16號，4月16號。2011年4月16號午夜2時40分我們上了一架紅van，因為你，我會記住這一程紅van。從現在開始我們就是幾日的朋友，這是事實，你改變不了，因為已經過去了。我下一次紅van實驗會再來。」等等，創意十足。

而《紅VAN》電影入面，將紅van司機這角色演得淋漓盡致的林雪，亦大受網民激讚。日前網上流出一條叫《一代司機》聲頻，由林雪聲音演繹《紅VAN》版的王家衛金句，他起初好認真地說：「紅van，兩個字。一上，一落，唔係上就係落，係咪咁話呀？」接下來林雪收起認真的聲音，變回肥雪語氣爆粗說：「X！黐X線，梗係啦！唔係上就係落啦，唔通飛咩！邊X個講㗎呢?！」但有網民質疑是林雪錄完正經版後，再有人扮他的聲音加自己感受。

即興加粗口

記者昨日向林雪求證，他的助手透露全條聲都是林雪本人，目的是為電影宣傳。
對於網民大讚林雪好搞笑，有人表示聽超過10次，並封他做男神，林雪透過助手表示：「本身有稿跟讀，啲粗口係即興加落去，配合番司機角色，加上林雪份人不嬲都咁直，佢話被人讚有啲受寵若驚。」
有人要求林雪謝票，但希望似乎難實現，其助手說﹕「謝票活動已經完晒，林雪𠵱家長時間留喺北京，但都希望部戲收得，多啲人買飛。」《紅VAN》票房截至前晚已有1,839萬元，成績不俗。
採訪：嵐山、何永寧