當年今日

鄭大班召小小超去立會

蘋果日報 2006/10/13 00:00


前日講過,立法會資訊科技及廣播事務委員會個主席位,可能會由單雞單仲偕過莊畀鄭大班鄭經翰,噚日終於開估,真係過莊畀大班!
呢次轉莊,係咪真係會對立法會稍後點傾8號仔呢單世紀大刁有唔同嘅影響呢?華華唔敢妄下判斷,只可以講畀大家知,原本,資訊科技及廣播事務委員會係諗住同財經事務委員會,整個jointpanel,捉二少同埋誠實小番薯一干人等,上去為單刁解吓話咁,但𠵱家又變咗各自召開會議,仲會喺一日之內開晒兩個會,費事二少行多次。
而且,仲只係要佢出席財經事務委員會嗰part就得,大約個半鐘左右……對二少真係體貼!唔知到時兩個panel畀邀請信二少嗰陣,會唔會喺上面加埋「溫馨提示:閣下其實可選擇不現身」呢一句?
講番單雞轉莊畀大班,據聞其實大家已經講掂數,一人做兩年,今次單雞就做番副主席囉!至於話新主席係咪對IT同廣播兩瓣都咁熟呢?中環小探子話,有人話自己熟廣播……即係咁,學道德重整會會長「乘蟲」話齋,使出真功夫,方為大師傅,是龍是蛇,開多幾次會咪知囉!
empty
IT嘅嘢,你點話點好啦! 設計對白
鄭大班