新一屆特區班子上場，個個都滿場飛，一日走幾檔。昨日新貴如唐英年、馬時亨、何志平等，都有到廣東社團既聯歡會。
除了高官，富商亦畀面。話說李嘉誠去完長江生命科技招股記者會造勢後，就趕赴酒會，本來心情頗佳的李嘉誠一去到就變臉，原因係有位記者姐姐一見李超人到場就問：「李生，近日有本雜誌講，你同周（凱旋）小姐情轉淡，你點睇呀？」本來笑面迎人的超人先是一怔，繼而面黑黑，跟住就任何問題都唔答。

雲大棉籲趕走「85000」
老董同成日彈政府既雲大棉昨晚亦係座上客。對於新班子雲老今趟都話唔錯，但對於「85000」（暗指梁振英）仍然留喺行會就唔多鍾意，佢笑言希望快啲趕走「85000」唔係香港會好失望，特別係負資產。
雲老又點名提醒廖秀冬，要搞好啲工務工程，縮短審批入則嘅時間，咁先可以控制物業價格。
至於第三屆特首，雲老話個個都有資格，但如果係「85000」，香港就一定少一半人，因為佢哋去晒移民。



傳真︰2623-9278
電郵︰[email protected]