當年今日

  《聽老闆的就錯了》
  港人新書攻陷台灣 - 李八方

蘋果日報 2003/01/21 00:00


近排香港人對自己好鬼冇信心,冇晒方向,但係其實MadeinHongKong嘅仍然有好嘢。八方噚日同美國安泰人壽總裁兼ING安泰人壽大中華區主管Patrick潘燊昌食晏,佢送咗自己本新書畀八方。

被譽「台灣奇迹」
原來Patrick喺台灣十分出名,佢呢本名為《聽老闆的就錯了》嘅新書,上月初推出之後,連續四個星期高踞當地最暢銷書榜第一名。
百分百港產嘅Patrick,喺香港讀書,畢業後亦留港工作,十五年前去台灣創立安泰人壽,佢當時連國語都講唔掂,一切由零開始,成功喺台灣建立起一個擁有二百五十萬客戶、管理資產達到一千五百五十七億新台幣(約三百五十二億港幣)嘅王國,成為當地最大外資保險公司,被譽為「台灣安泰奇迹」。
Patrick成功嘅地方並唔單止喺做生意方面,佢嘅管理哲學更加成為台灣企業學習嘅對象。
Patrick話自己最出名嘅地方,就係從來「不按牌理出牌」,做事往往出人意料,一句口頭禪「MakeADifference」,令佢敢於實行容許犯錯嘅企業文化。
其實能夠喺國際機構內成功「上位」嘅香港人,絕對唔止潘氏一位,好多香港人都好掂,𠵱家俾人睇低亦唔應該氣餒。
﹙圖﹚由香港人寫嘅新書《聽老闆的就錯了》,喺台灣連續四個星期高踞暢銷書榜首。



傳真︰2623-9278
電郵︰[email protected]