當年今日

蘇玉華鬧完交結婚

蘋果日報 2015/11/27 00:00


黃秋生、潘燦良等主演的舞台劇《狂揪夫妻》,將於明年1月在演藝學院再度舉行,蘇玉華演繹原先吳君如的角色,秋生與蘇玉華日前於紅磡受訪,秋生說:「君如姐去掘金,拍電影搵水,首選蘇小姐適合代替,佢人靚戲好歌甜,又有票房,好多人做慣舞台,但冇佢藝術水平咁高。」
蘇玉華接吳君如棒,笑言有壓力,她說:「佢哋三個已經演咗廿幾場,我要由零開始要急起直追,希望佢哋幫手,要慎重考慮之後先接。」蘇玉華在劇中與男友潘燦良經常吵鬧,但現實卻不同,她說:「我哋現實唔會鬧交,鬧交好辛苦傷元氣,意見不合就傾。」有報道指二人明年結婚,結束廿年愛情長跑,蘇玉華說:「快嘞,我哋唔會好世俗咁去做,唔着重形式。」
採訪:張俊銘
攝影:陳慧安
場地:逸.酒店