關之琳、鄭裕玲、容祖兒、方力申等前晚於中環出席一髮型屋的一周年派對。久未露面的關之琳穿上一條tubedress，展示美好身段，明艷照人。之之笑稱跟髮型屋老闆娘稔熟，要穿得漂亮才可上台。

之之還透露目前主要工作是剪綵及廣告，問她是否凡辛苦的工作都不接，她笑說：「唔可以咁講，我只係想做一啲刺激又多錢嘅嘢。」自跟緋聞男友霍建華拍攝電影《做頭》後，關之琳久未有新作，問她何時再拍電影，她說：「要角色好啱，劇本好鍾意先拍，唔想要考慮要諗，因為一定會後悔。」
問到最想演的角色是甚麼時，之之說：「我想做一啲未試過，人哋又覺得我唔會做嘅角色，要醜化都唔緊要，呢啲可遇不可求。」她還稱推掉的劇本多至數也數不清。

此外，方力申和鄧麗欣（Stephy）這對緋聞情侶，並沒有因導演葉念琛介入而影響工作關係，前晚二人又一同出席派對，有指Stephy因葉念琛而狠飛方力申，但她前晚否認說：「都冇一齊過，點狠飛呀。」方力申則被指因被女方狠飛而往澳門尋歡，對此他說：「絕對唔係，我嗰日係去睇側田演唱會。」
採訪：胡比
攝影：陳偉權