地產多聲道：物業買賣背後有笑有淚
蘋果日報 2004/05/31 00:00
買賣物業，通常不出自用、投資或者保值呢幾個理由，但背後嘅故事就不盡相同，有悲亦有喜。好似西灣河碧麗閣呢宗買賣，就夠晒曲折同富戲劇性。
話說單位業主，早前同丈夫鬧離婚，一怒之下，自己攞錢買咗呢個單位，搬出嚟住，點知兩夫婦「牀頭打交牀尾和」，冇幾耐就和好如初，於是將個單位放售，唔夠兩個月重執到十三萬㖭，唔知會唔會分啲畀老公使。齊歡唱同慶賀，大團圓結局。
聽美聯助理區域經理邱鵬講，個單位係B座中層4室，四零六呎，原業主喺三月用七十萬購入，啱啱以八十三萬沽出。
楊屋道服務式住宅爵悅庭跑出
喺服務式住宅有價嘅年頭，發展商一窩蜂申請將工地轉作服務式住宅，荃灣楊屋道就先後批出三個呢類發展，𠵱家陸續起緊。蘭西最近經過呢度，起得最快係新地同太古合作嘅項目，連個名都有埋，叫爵悅庭，唔知係咪就快可以賣呢？
爵悅庭喺楊屋道九十至一一四號，前身係太古汽水廠，○二年獲批興建兩幢四十五至五十二層服務式住宅，共一六九六個單位。而隔籬一一六至一二二號，南豐持有，會起一座，四十七層高，四五二單位。另一二四至一四二號，由廣生行持有，建一座六十層高服務式住宅，單位約千一。
上述三個服務式住宅，總共提供三二四八個單位，若果同期推出市場，隨時會上演一場截擊戰，三家發展商真係要鬥智鬥力至得嘞。
話說單位業主，早前同丈夫鬧離婚，一怒之下，自己攞錢買咗呢個單位，搬出嚟住，點知兩夫婦「牀頭打交牀尾和」，冇幾耐就和好如初，於是將個單位放售，唔夠兩個月重執到十三萬㖭，唔知會唔會分啲畀老公使。齊歡唱同慶賀，大團圓結局。
聽美聯助理區域經理邱鵬講，個單位係B座中層4室，四零六呎，原業主喺三月用七十萬購入，啱啱以八十三萬沽出。
喺服務式住宅有價嘅年頭，發展商一窩蜂申請將工地轉作服務式住宅，荃灣楊屋道就先後批出三個呢類發展，𠵱家陸續起緊。蘭西最近經過呢度，起得最快係新地同太古合作嘅項目，連個名都有埋，叫爵悅庭，唔知係咪就快可以賣呢？
爵悅庭喺楊屋道九十至一一四號，前身係太古汽水廠，○二年獲批興建兩幢四十五至五十二層服務式住宅，共一六九六個單位。而隔籬一一六至一二二號，南豐持有，會起一座，四十七層高，四五二單位。另一二四至一四二號，由廣生行持有，建一座六十層高服務式住宅，單位約千一。
上述三個服務式住宅，總共提供三二四八個單位，若果同期推出市場，隨時會上演一場截擊戰，三家發展商真係要鬥智鬥力至得嘞。
電盈嘅薄扶林貝沙灣，吸引唔少城中名人注意，有啲重入埋市㖭，藝人巫啟賢就係其中一個嘞。
聽美聯助理營業董事楊永健講，巫啟賢先後睇咗三次樓至扑鎚，用千五萬向發展商買入三期一座中層A單位，一七一○呎，呎價八七七二元。佢鍾情貝沙灣嘅會所設施，用料同埋海景。不過，暫未知會自用，定係長線投資。
賣地理想，樓市氣氛改觀，買家轉為積極，不斷出現追價個案。蘭西收到代理報料，唔係話呢個屋苑成交增加，就係嗰個活躍。
不過，市場消息似乎幾亂，同一個屋苑，唔同代理行講嘅成交量，可以相差兩倍，大家都話自己嘅料最可信，唔知邊個至真。所以，蘭西奉勸有意入市買家要小心。
蘭西早前提過，嚟緊嘅禮拜日，美聯物業會贊助賽馬活動，當日各場盃賽命名已經有定案，主要嗰場梗係「美聯物業盃」啦；其他場次中，較特別係「美聯舖王讓賽」同「美聯樓神讓賽」，因為美聯請咗啲資深舖位投資者，同發展商售樓部要員出席，負責做頒獎嘉賓。
美聯咁難得可以贊助賽馬，梗係要乘機大事宣傳吓啦，喺好多投注站掛起佢哋嘅橫額；當日馬場周圍包括起步點同終點，都會見到美聯嘅橫額，唔知啲賭仔贏咗錢之後，會唔會順手幫趁美記買番個單位呢？
蘭西
電郵地址：
爵悅庭前身係太古汽水廠，將提供近千七個服務式住宅。