陳冠希昨日帶病出席在商台舉行的「Donald別館陳冠希新碟發佈會」，近百名歌迷到場支持，陳冠希又唱又跳，但現場所見他腳步浮浮，似乎快要暈低，事後問他是否體力不支？
陳冠希說：「可能係，因為我感冒，食咗藥咪咁樣！應該係噚日喺個活動度焗親，真係好可惜，如果唔係今日我表現會更好。」

傳與鍾欣桐拍拖
有報道指陳冠希父親陳澤民跟英皇老闆楊受成不和，陳冠希因而被公司雪藏，陳冠希說：「以我所知Daddy同楊生有偈傾，我𠵱家都冇俾人雪，應該冇咁嘅事。」
問他會否因其姊陳見飛未有簽英皇一事有關，他說：「唔關事，英皇有時都會幫家姐宣傳。」
此外，陳冠希自與陳文媛分手後，最近又有雜誌指陳冠希與Twins的鍾欣桐拍拖，昨日他所屬的唱片公司MusicPlus總經理Lisa在電話中表示：「本雜誌又影唔到相，講乜都得啦！次次陳冠希出碟，呢本雜誌都會同佢寫緋聞，唔知係咪想幫佢造勢呢？根本佢同鍾欣桐都冇拍拖。」
採訪、攝影：陳梅香