對於欠薪及拖數問題及前員工的指摘，邱韶智說：「我唔係一個激動嘅人，其實我可以唔講㗎，不過我哋冇叫員工夾錢。」有否欠租？邱韶智略顯尷尬稱：「你問番業主啦，呢啲係我哋自己公司嘅事。」是否十月份已沒有為員工供強積金？他謂：「你問番強積金嗰邊啦，一係問會計，我唔係想逃避法律上嘅嘢。」

「憑咩報警？」
年關將至，邱韶智謂他希望能順利捱過年關，他說：「有啲人被炒唔服咪搵你哋（記者）出嚟囉。佢哋以乜立場報警？又唔係刑事。」有員工指楊采妮常在員工面前喊以博同情，邱韶智為女友解釋：「佢私人感受係會失落、會喊，但唔係為生意，佢係失望啲人一次又一次咁對我哋，重搵埋你哋嚟，佢係對人唔係對事。」若生意失敗，楊采妮會否重返娛樂圈？邱韶智聽後只說：「我要做生意，你哋去食飯啦。」