英國大胸模特兒KellyBrook早排諗着憑美劇《OneBigHappy》進軍美國呢個大市場，佢喺套劇度仲成日晒身材事業線，仲有全裸戲份（當然電視台係打完格先出街嘅），加上個故事都幾得意，係講一個女同志想借種生仔，就搵佢最好嘅朋友幫手，而呢個朋友之後就愛上咗Kelly，三人就開展兩女一男嘅生活。

第一季只係得六集，不過因為收視差，NBC電視台就決定要腰斬，唔會再拍第二季。恐怕Kelly呢個闖美計劃唔係太成功。