噚日有唔少喺外國長大嘅華裔青年參與「龍匯一百」活動，梁振英致辭時同學生講，自己啱啱去完俄羅斯一個星期，搞到病咗，聲都沙晒。呢個地方佢一直好想去。梁振英跟住自問自答，點解唔可以睇電視報紙了解俄羅斯就算？因為想得到第一手資料。
振英哥咁講原來有深意，因為佢話大家以前一定喺媒體上見過中國係點，但正如佢今次去到俄羅斯，先知真實同從傳媒得到嘅印象相差成百倍，所以希望學生親自去上海，睇吓中國𠵱家變成點，唔好淨係聽人講。梁振英講到中國時非常有感情，話𠵱家咁現代化嘅中國自己都有份貢獻，唔怪得佢咁希望學生返大陸親身體會。
（圖）梁振英喺「龍匯一百」活動上致辭。


傳真︰2623-9278
電郵︰[email protected]