改沙士無理，滿街葉子楣，父母官以為，市民實會反感？倒值得商榷。「葉子楣」取締「楊紫荊」，老實講，脫星幾時都養眼過普通人。而「楊紫荊」橫睇掂睇都知，不是楊紫瓊，瞄頭有限。是以「大大塊」平夾靚的「葉子楣」實在種得過，1965年開始登上市花位置的洋紫荊，命運跟港督府差不多，注定要從歷史名冊中鏟除。讓「紫廬」與「禮賓府」上場，貫徹政治正確。
大花好過大葉？我們沒機會投票揀心頭好，父母官替市民作了主，大葉讓路給大花，冶豔的芳名，難登大雅之堂。就算你信心爆棚自覺是牡丹，仍難掩失去綠葉扶持的不安感。香港人panic張惶失措，就係咁解。少了扶持，弱不禁風的特區市民，撐得幾耐呢？