保時捷柴灣新維修中心好就腳

蘋果日報 2003/07/29 00:00


早陣子,亞Mark曾經同大家提過,話保時捷代理為迎接全新Cayenne車系,加上舊有長沙灣嘅維修中心用作運輸嘅電梯,未能讓Cayenne進出關係,必須另覓一個Cayenne嘅新落腳點。講咗將近半年,保時捷全新嘅汽車維修中心,經已響六月下旬投入服務,地址響香港柴灣吉勝街,距離柴灣地鐵站不過五分鐘路程而已;超過2萬平方呎嘅維修中心,唔止Cayenne可以進出自如,就連住響港島區嘅保時捷車主,日後部車需要定期檢查及維修的話,就唔需要咁長途跋涉,揸部車去長沙灣咁遠啦!