現年37歲嘅人妻徐熙媛（大S）噚日升呢做媽咪，下午3點30分喺台北剖腹產女，B女重約6.6磅，大S喺微博上載囡囡小腳印報喜：「小女孩很平安，無限感恩。」老公汪小菲陪大S入產房，奶奶張蘭、S媽同妹妹徐熙娣（小S）都喺產房外等候，大S囡囡出世，大家都喜極而泣。

大S同汪小菲結婚3年幾，兩人終於成功造人，初為人父嘅汪小菲喺微博多謝大S：「老婆這一年辛苦了。也感謝大家的關心，我最愛的母女倆身體健康，一切平安。」據知汪小菲本來就想生女，今次如願以償，同親友報喜時興奮讚囡囡生得好靚似天使。 S媽話：「外孫女腿很長，叫她『長腿妹』。」小S話BB似媽咪：「好感動！姐姐辛苦你了，站在外面等的感覺怎麼比我自己生還緊張！」好友吳佩慈話：「我跟大S約好，要當彼此女兒的乾媽，所以只要我女兒有的東西，『長腿妹』也會有一份。」范瑋琪都話：「本來想送花過去，但覺得大S比較不喜歡這些形式，因此會等姐妹們通知，這兩天會找時間過去看大S。」
撰文：馮仁昭