當年今日

性格樂天 周麗淇狂迷纏身冇有怕

蘋果日報 2006/10/13 00:00


香港人生活壓力大,不懂得放鬆。性格樂天的周麗淇(Niki)抱着隨遇而安的態度,就算很多藝人曾在公眾場合遭博懵,官恩娜早前更被狂迷強吻非禮,但Niki從不擔心,更說:「經常諗住有乜嘢危險,個人會好辛苦㗎。」
官恩娜早前在公開活動被非禮,令女藝人更關注工作時的人身安全,其實很多藝人也曾遇過瘋狂fans,尤其到內地出席活動,fans就更加熱情。
避免去夜店
周麗淇是年輕人偶像,但對此卻毫不擔心,日前她接受訪問時說:「我都算係個男仔頭,從來冇遇過好過份嘅歌迷,就算返內地,fans太熱情都係因為好耐冇見我啫,同埋都係普通推撞,冇乜事發生過。」
問Niki有沒有學一招半式傍身?她說:「其實去到邊都有可能遇到危險,唔可以經常諗住有乜嘢危險,有乜事會發生,咁樣做人好辛苦㗎。話到明意外,就係意料之外,到時小心咪得囉,只要地方特別危險,好似夜店或者閒雜人多嘅地方就盡量少去。」
雖然娛樂圈五色繽紛,原來Niki很嚮往校園生活,尤其出席完一個大學活動後,更勾起了她讀書往事,她說:「大學校園生活係我最想過嘅,見到大學生好開心咁一大班人四圍去,我好遺憾冇經歷過。」
想讀心理學
若有機會進修,Niki最想修讀心理學,她說:「好想理解人哋嘅心理,揣測吓佢哋嘅性格,尤其呢行會見到唔同嘅人,學心理學可以易啲溝通,對自己又清楚啲。」
採訪:王連連 攝影:陳偉權
髮型:NicholYipofHAIR
服裝提供:LaneCrawford
empty
周麗淇最遺憾的是沒經歷過大學生活,所以她希望將來能一償心願。
empty
雖然最近發生官恩娜被非禮一事,不過周麗淇對此毫不擔心,並謂不會避免跟歌迷接觸。