無綫遊戲節目《智在必得》昨日假清水灣半島舉行記招，節目主持鄭丹瑞（阿旦）及無綫藝員向海嵐、胡杏兒、楊婉儀等均有出席。
為樓起哄
《智在必得》節目為吸引更多觀眾參加，由第一集至五十集期間，凡進入第四回合的兩位參賽者，合共一百人，將可參加第五十一集，爭奪由新鴻基地產所贊助的將軍澳清水灣半島六百多呎單位一個，價值二百二十萬。
阿旦興奮地說：「好開心，好難得有香港嘅樓做獎品，其實玩呢類遊戲節目講乜都冇用，一講層樓，現場觀眾就起哄。」
阿旦又說：「通常都只係送內地樓，所以我對呢個節目出街嘅反應好有信心。」阿旦笑言自己都想買樓，希望發展商識做。
密密實實
此外，近日接拍瘦身廣告的向海嵐，原來瘦身後已成功減掉十七磅，但昨日依然穿得密密實實，並沒有廣告中的性感。
向海嵐說：「呢個廣告係參選香港小姐後第一次着泳衣，但都估唔到有咁大迴響，好彩出嚟嘅效果都唔錯，希望以後會有多啲工作啦！」
採訪、攝影：卓美娟