魏駿傑嫌私房菜悶

蘋果日報 2002/10/06 00:00


王喜、魏駿傑、袁彩雲和胡家惠昨日出席在薄扶林中華廚藝學院舉行的「美食強心名人Show」錄影。魏駿傑自誇廚藝了得,最撚手是豉椒蟹,他說:「只要我試過食一次,就識得煮,我由細到大都冇睇過書學煮嘢,好自然就識煮。」最近時興搞私房菜,傑仔就覺得大部份都是一般,他說:「我就冇興趣做,因為當興趣變成職業會好悶,都係喺屋企煮畀朋友食好啲。」

頭蝨藥驅蚊
另一嘉賓王喜在本月二十九日會飛往非洲為宣明會宣傳助養兒童活動,所以他日前到醫務所注射防疫針,他說:「我去打針時,個醫生教我一個有效方法防蚊。因為非洲登革熱好嚴重,佢就教我去買一啲頭蝨藥,開水浸過所有衫先帶去。」
採訪、攝影:楊潔雯