阿松火併《亞洲華爾街日報》 - 李八方

蘋果日報 2002/03/15 00:00


阿松同《亞洲華爾街日報》為咗積極不干預政策互相過招,阿松死唔認已變相放棄由夏鼎基時代留低的祖宗家法,但《亞洲華爾街日報》亦唔係善男信女,死都咬住唔放,砌完一篇又一篇。
有政界人士同八方講,阿松有冇放棄祖宗家法,唔使自命係夏鼎基徒弟嘅煲呔曾解話,明眼人都睇到,《亞洲華爾街日報》唔會無情情咬錯人。問題係阿松變得好唔好,政治係好現實,如果今次阿松一鋪搞掂財赤兼令經濟復甦,就自然落晒《亞洲華爾街日報》面,好似上次政府入市一樣,事後咪一樣大把人由鬧煲呔曾變到讚不絕口!
不過,亦有人話《亞洲華爾街日報》好夠毅力,好似鬧航權問題咁,一鬧就隨時鬧幾年,重隨時引發其他國際傳媒鬧埋一份,變成反松國際大合唱!


E-mail:[email protected]