陳霽平為闖荷李活梳起唔嫁

蘋果日報 2008/12/19 00:00


陳霽平近年受友人離婚影響,只渴求一段穩定的同居關係,幸好陳母也認同女兒的想法,並沒有向她催婚,沒有壓力。陳霽平現階段正計劃明年與無綫約滿後,全力進軍荷李活。
陳霽平是個事業心很強的人,雖然與無綫的藝員合約至明年中才屆滿,但她已開始為自己籌劃09大計,她打算約滿後回復自由身,嘗試打內地或美國巿場。
自從參演過荷李活電影《W.》的演出後,陳霽平被荷李活製作隊的嚴謹工作態度深深感染,她說:「我好恨可以接拍美國嘅劇集,我留意到佢哋𠵱家好多劇集都會有一、兩個華人演員,雖然佔戲唔多,但真係一個好好嘅學習機會。」
一紙婚書冇用
陳霽平嘴邊不停掛着要為事業向前衝,其母沒向她催婚嗎?她說:「咁又冇喎,媽咪仲叫我唔好結婚,我自己都諗過呢個問題,我根本唔需要結婚,我亦唔會為男人而生仔,生唔生係要憑自己嘅感覺去決定。或者我冇咗要趕結婚、趕住喺變高齡產婦前生仔,所以我唔心急結婚,眼見好多朋友結婚冇幾耐就離婚,我更加覺得冇必要用一紙婚書去綁住另一半。」陳霽平認為情侶之間沒有婚約,彼此之間反而存有一份危機感,關係或會更好。她又說:「婚書唔係最緊要,一個女人最重要係經濟獨立,有錢傍身。」
empty
參演過荷李活電影《W.》的陳霽平決心向外國發展。
姊弟戀添活力
問到陳霽平的擇偶條件,她說:「我要求對方有事業心,肯進取,最緊要係錫屋企人。」她透露身邊有追求者,但卻仍未選定,樂得享受拍散拖的樂趣。
思想洋化的陳霽平表示不介意發展姊弟戀,她說:「冇所謂,同細過我嘅男仔拍拖,佢哋畀到好多活力我。」
採訪:比華利 攝影:陳慧安
髮型、化妝:KathyL.(CiaoBella)
服裝:PATRIZIAPEPE
empty
陳霽平擔心有固定男友後,自己會對發展事業分心,所以她寧可拍散拖。