【新增場外內容及圖片】
韓國人氣劇《鬼怪》嘅孔劉今日喺亞博館舉行粉絲見面會，孔劉嘅見面會今晚7時30分才舉行，但唔少粉絲已一早到現場。

除咗去寫定紙條睇下到時有冇機會被Oppa抽中，等孔劉親自回答佢哋問題外，唔少粉絲都一早到場等住搶購孔劉喺門外出售嘅精品，今次孔劉為香港場製作見面會專屬紀念品作慈善義賣，當中包括價值$800親筆簽名海報(限量發售，每人只限購買一張)，$200毛巾、$80文件夾套裝及$50海報，所有紀念品全數收益扣除成本將撥捐願望成真基金MAKE-A-WISH HONG KONG。

而一早已經有唔少粉絲到場，紀念品攤位約於下午3時30分開始發售，話咁快已經有粉絲喺網上報告價值$800嘅孔劉親筆簽名海報已售罄，認真犀利。

離開騷仲有一小時，除咗$800親筆簽名海報賣晒外，$80文件夾套裝亦都售罄，而下午6時30分左右，現場就有近百粉絲排隊去索取棉花花束，呢支棉花花束同喺《鬼怪》中金高恩喺加拿大吹嘅花束差唔多。現場有14幅大形孔劉拉架海報，包括唔同戲和劇嘅造型，唔少粉絲都排隊同孔劉靚仔樣合照。

另外，有粉絲就製作咗視頻，仲希望今晚到場嘅粉絲能夠爭取機會等孔劉見到呢段片段，讓孔劉可以看到每一位粉絲嘅樣子。

至於孔劉嘅香港後援會及內地貼吧亦特地準備花籃為偶像應援。